Beste [FNAME]
Ons het uitgesien na 2021 in die hoop dat dit ‘n beter jaar sal wees. Ek weet nie wat die jaar verder gaan oplewer nie, maar sover is dit nie noodwendig vir almal vol voorspoed nie.
Die jaar het begin met Covid wat erger raak; die Covid-getalle begin name kry en kom nader aan ons almal. Ook in RSG-geledere bring dit hartseer met ons geliefde Margot Luyt wat sterf aan Covid-verwante komplikasies. Ons kan nie genoeg hulde bring aan hierdie formidabele, geliefde vrou nie.
Wat kan ‘n mens verder sê oor die pestilensie? Wees versigtig en die beste raad is seker maar om nie onnodig rond te beweeg in die gemeenskap nie en ekstra versigtig te wees.
Hier by die SAUK het die implementering van die 189-afleggingsproses begin. Baie mense het afleggingsbriewe ontvang, en die aangepaste poste word tans geadverteer. Die SAUK hoop om alle poste teen einde Februarie gevul te hê, want diegene wat afleggingsbriewe gekry het, en nie in nuwe poste aangestel word nie, groet ons die einde van Februarie. Ons dink aan al ons RSG-kollegas in hierdie onsekere tydperk.
Ons waardeer jou volgehoue ondersteuning en geniet ons nuwe programme en insetsels.
Magdaleen en die RSG-span
