Beste [FNAME]
Ek deel vandag goeie nuus en enkele frustrasies en vertel meer oor die jongste verwikkelinge by die SAUK.
Gereelde sportuitsendings wag op luisteraars. Daar lê nou 2 maande se Curriebekerwedstryde voor. Dan wag drie Europese- en Sonskynreeks-gholftoernooie in November en Desember in Suid-Afrika. Internasionale Krieket is ook terug op RSG. Engeland se Krieketspan toer aan die einde van November en begin Desember in Suid-Afrika. Ons verwelkom ook vir Pieter van den Berg terug in ons uitsaaispan.
Saam met dié goeie nuus, beleef ons daagliks die probleme en frustrasies wat jy ervaar met RSG se stroming en potgooi. Hierdie probleme is buite ons beheer en ons is daagliks aan die stoei om dit reggestel te kry. Die nuwe webwerf werk verder heel goed en ons is ook besig om dit meer verbruikersvriendelik vir RSG se siggestremde luisteraars te probeer maak.
Oor die beplande artikel 189-afleggings en herstrukturering van SAUK-departemente waaroor jy gereeld in die media lees en hoor, gaan ook vir RSG raak. Dit is egter ‘n feit soos ‘n koei dat die SAUK finansiële uitdagings het en dat die salarisrekening te hoog is. Ek beny die SAUK Raad en topbestuur nie hierdie taak op hande nie.
Ons radiodrama-seisoen is aan die gang, met ‘n klassieke argiefdrama wat op jou wag. Ons is omgeboul deur die groot aantal inskrywings vir die radiodrama-skryfkompetisie. Die wenners word op 27 November aangekondig.
Ek hoop julle geniet die sport-uitsendings en al ons ander programme.
Magdaleen en die RSG-span
