Jy gaan steeds jou gunsteling omroepers op lug hoor: Martelize Brink, Johan Rademan, Haidee Muller, Fritz Klaaste en Jacqui January gaan weereens met hul programme agter die mikrofoon inskuif.
Ons het enkele veranderings aan ons programskedules aangebring. Ons hoop die klein veranderings sal steeds in jou kraal val. Hier is die program-verskuiwings vanaf 5 April 2021.
Nuwe dramaseisoen ‘n Kaalbas kalender, sterrereën en ‘n spooktrein kom onder andere aan die bod in RSG se eerste Radioteater-seisoen van 2021. Die seisoen begin met die wenners van verlede jaar se RSG Sanlam Radiodrama-skryfkompetisie. Isabel Martinson se klugtige komedie, Pap en kaviaar, word vanaand om 20:00 uitgesaai en ‘n week later is Hulle noem hom Mamba te hoor.
Pap en Kaviaar Die vonke spat in Pap en Kaviaar, die openingsdrama in RSG se eerste radioteater-seisoen van 2021 asook die afskop van die jaarlikse “seisoen van wenners”. Luister vanaand om 20:00 na die komiese drama geskryf deur Isabel Martinson (foto). Die drama was die wenner van die merieteprys in RSG en Sanlam se radiodrama-skryfkompetisie van 2020. Lees meer.
Hulle noem hom Mamba Luister op 8 April na Adriaan Havenga se Hulle noem hom Mamba, wat met die prys vir Jong Skrywer bekroon is in die RSG en Sanlam Radiodrama-skryfkompetisie van 2020. Die tema van vrees en die verlammende effek daarvan op ons lewens word verken. Havenga (foto) is ‘n dramastudent aan US. Lees meer.
Sonduiker RSG se middagstorie deur Anton Treurnich is vol intriges, asemrowende bestemmings en aksiebelaaide avonture. Dit neem spanningsvolle wendings met smokkeldiamante en waaghalsige reddingspogings. Luister elke weeksmiddag om 14:45. Lees meer.
Luister weer
Wil jy weer na een van dié programme luister. Klik net op die skakels.
Praat Saam Die ANC se integriteitskommissie kon nie hul sekretarisgeneraal, Ace Magashule, dwing om opsy te staan nie, kan die NUK? Hoe wyd en beslissend strek die magte van die NUK en help dit president Cyril Ramaphosa? Lees meer.
Regsake Is verkopers gebonde aan die prys wat hulle adverteer, al is dit foutief? Wanneer moet ‘n pa wat vaderskap ontken, onderhoud betaal? Wat as ‘n prokureur “verdwyn” met jou geld? Lees meer.
Covid se 3e golf Eers as die Covid-bal van die volgende golf die kolf tref, kan data-ontleders voorspel of dit ‘n reusagtige ses gaan wees of nie. Dit lyk of die volgende golf (groot of klein) minstens 4 weke in die toekoms lê. Lees meer.
Gesondheid Groot vordering is die afgelope 20 jaar en meer gemaak in tandheelkunde. Van wit kermaiekstopsels tot fyner implantate en baie meer. Ja, baie kan gedoen word om jou tande mooi en gesond te hou tot jy 90+ is.
Groeipyne Johan van Lill praat met Chris de Beer, ‘n leierskapsafrigter, oor hoe ons moet dink oor leierskap in die gesin, en die rol wat pa’s in leierskap kan speel. Lees meer.
Wie is ek? Vergeet van One Flew Over the Cuckoo's Nest as jy aan ‘n moderne psigiatriese kliniek dink. Wat gebeur in so ‘n kliniek? Wie kan baat by ‘n opname?
Hoe verklaar jy dit? Wat is die storie van die Koch-sneeukristal? Wat is ‘n fraktaal? Hoekom word die woord, kalf, gebruik om die kleintjie van ‘n walvis te beskryf? Wil jy meer weet oor mantas?
Sterre en Planete Ruimtewetenskaplikes van NASA en JPL het verlede week ‘n nuuskonferensie gehou oor die planne met die Mars-helikopter Ingenuity en ‘n belangrike aankondiging gemaak oor dr. Japie van Zyl se rol tydens die projek.
Die SA Boerboeltelersgenootskap is pas geregistreer. Luister ook na nuus oor die Suiwelproduk van die jaar (ja, Lactalis SA is die wenner), en Wes-Kaap se landboubegroting.
My Mooi Dorp My Mooi Dorp is daarop gemik om dorpe in ons land te help om model-dorpe te word. In die program fokus ons ook op ‘n innoverende samewerkingsooreenkoms wat pas op Kroonstad bekend gestel is. Lees meer.
